Макарон өнімдерін өндіру бойынша Шымкент көш бастап тұр.
ERNUR.KZ. Қазақстанда макарон өнімдерінің бағасы бір жылда 11%-ға өсті, деп жазады baq.kz.
Energyprom.kz-тің зерттеу деректері бойынша, қаңтар-тамыз айларында елімізде 100,8 мың тонна макарон, кеспе, кускус және басқа да ұқсас макарон өнімдері өндірілген, бір жыл бұрынғыға қарағанда 13,3%-ға аз.
Макарон өнімдерін өндіру бойынша Шымкент көш бастап тұр. 17,8 мың тонна, жылына минус 16,3%. Сондай-ақ, үздік үштікке елорда (16,7 мың тонна, минус 19,2%) және Батыс Қазақстан облысы (15,1 мың тонна, минус 1,3%) кірді.
Қаңтар–шілде айы бойынша отандық компаниялар макарон өнімдеріне сұранысты (ішкі нарықта өткізу плюс экспорт) 82,3%-ға қамтамасыз еткен. Бір жыл бұрын көрсеткіш 84,7% болған екен. Импорт үлесіне тиісінше ресурстардың 17,7%-ы келді. Елге 18,9 мың тонна өнім әкелінген, өткен жылмен салыстырғанда 2,2%-ға көп.
Ішкі нарықта өткізу бір жылда 20,5%-ға, 71,3 мың тоннаға дейін азайған. Сонымен қатар экспорт 11,9%-ға, 35 мың тоннаға дейін артқанын көруге болады, - дейді сарапшылар.
Биыл тамыз айының қорытындысы бойынша макарон өнімдерінің бағасы бір айда 1,3%-ға және бір жылда 11,1%-ға өскен. Макарон өнімдері Атырауда (22%-ға), Қызылордада (18,4%-ға) және Қарағандыда (17,5%-ға) облыстарында айтарлықтай қымбаттап, қалтаға салмақ түсірген.
Кеспе 12,4%-ға, спагетти 11,5%-ға, вермишель 10,9%-ға, рожки 10,7%-ға қымбаттады, - деп нақтылады сарапшылар.Қыркүйек айында еліміздің базарлары мен дүкендерінен кеспені 782 теңгеге, вермишельді 374 теңгеге, рожкиді 361 теңгеге сатып алуға болатын.
