Қарағанды облысында 11 жастағы қыздың үстіне үйдің шатыры құлады

ERNUR.KZ. Қарағанды облысында бес қабатты тұрғын үйдің шатыры 11 жастағы қыздың үстіне құлап, ол жарақатпен ауруханаға жеткізілді. деп жазады Azattyq Rýhy.

Оқиға қыз бала үйіне қайтып келе жатқан кезде орын алған. 2014 жылы туған мектеп оқушысы шатырдың құлауынан жарақат алып, аудандық орталық аурухананың қабылдау бөліміне жеткізілді. Қазіргі уақытта дәрігерлер тиісті тексерулер жүргізіп, қажетті медициналық көмек көрсетуде.

Алайда Қарағанды облысының Төтенше жағдайлар департаменті (ТЖД) бұл оқиғаға қатысты басқа мәлімет ұсынды. Олардың айтуынша, зардап шеккендер жоқ.

«Бес қабатты тұрғын үйдің 70 шаршы метрлік шатыры ұшып кетті. Зардап шеккендер жоқ», – деп мәлімдеді ведомствоның баспасөз қызметі.

Айта кетейік, өңірде 24 м/с жылдамдықтағы дауылды жел соғып тұр. Ауа райының қолайсыздығы салдарынан ондаған ағаш құлап, бірнеше тұрғын және әкімшілік ғимараттардың шатырын жел ұшырып кеткен.