Ол 78 жастағы анасының мұрны мен бірнеше қабырғасын сындырып, ішкі мүшелерін зақымдаған.
ERNUR.KZ. Қарағандының бұрынғы әкімі, белгілі саяси және қоғам қайраткері Шәймерден Оразалиновтың жесірін өз ұлы ұрып-соққан, деп жазады zakon.kz.
Ол 78 жастағы анасының мұрны мен бірнеше қабырғасын сындырып, ішкі мүшелерін зақымдаған.
Таяқ жеген қарт әйел ұлына зиян тигізбеу үшін жедел жәрдем шақыруға қорқып, екі күн бойы үйде жатқан. Бірақ үшінші күні қарт әйелдің ауыр халін көрген көршілер оның нашарлап бара жатқанын айтып, дәрігер шақырған.
Таяқ жеген әйелдің жағдайын көрген дәрігерлер полицияға хабарласып, полиция қызметкерлері өз кезегінде ұлын ұстады. Жауап алу кезінде ол проблемаларға байланысты жүйкесі жұқарғанын, сол себепті анасына ренжігенін айтты.
Қарағандының тергеу соты қазір марқұм Оразалиновтың ұлын екі айға қамауға алды.
Шаймерден Оразалинов көрнекті саяси қайраткер болды: Қарағанды қаласының әкімі қызметін атқарды, мәжілістің екінші және үшінші шақырылымдарының депутаты болды. Қарағанды қаласының Құрметті азаматы. Ол 2019 жылы 30 сәуірде 77 жасында дүниеден өтті.
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
