ERNUR.KZ. Қазақстан мұнай өндіруді ерікті түрде тәулігіне 78 мың баррельге қысқартуды 2024 жылдың соңына дейін ұзартады, деп жазады zakon.kz.
"Қазақстан сәуір айында ерікті қысқартулар туралы жариялаған ОПЕК+ мүше елдерімен келісім бойынша алдын алу шарасы ретінде 2024 жылдың желтоқсан айының соңына дейін 78 мың баррельге ерікті қысқарту мерзімін ұзартады", - делінген ҚР Энергетика министрлігінің хабарламасында.
Сонымен бірге, ведомство мұнай өндірудің бұл қысқаруы 4 маусымда өткен ОПЕК+ министрлерінің 35-ші отырысында келісілген өндірудің қажетті деңгейінен есептелетінін атап өтті.
Бұған дейін ОПЕК+ мұнай өндіруге шектеу қойған болатын.
