Қазақстанда банк омбудсменінің өкілеттігі кеңейтілді

Егер бұрын ол тек ипотекалық несиеге қатысты мәселелерді қарастырса, енді бұл несиенің барлық түріне қатысты болады. Соның ішінде тұтынушылық несие де бар.

Естеріңізге сала кетейік, банк омбудсмені - шешімдері банктер үшін міндетті болып табылатын тәуелсіз тұлға. Негізгі міндет – қарыз алушылар мен кредиторлар арасындағы қаржылық дауларды сотқа дейін реттеу және оның қызметі тегін негізде жүзеге асырылады.

Банк омбудсменіне хабарласпас бұрын қарыз алушы өзінің кредиторына хабарласуы керек. Омбудсмен соттың қарауына қабылданған және/немесе олар бойынша заңды күшіне енген сот актісі бар немесе іс бойынша жаңа мән-жайлар болмаған кезде қайтадан жолданған өтініштерді қарамайды.

Күні кеше ғана Қазақстанда микроқаржы омбудсмені пайда болды.

Банк омбудсменінің жұмысы мен өкілеттіктері және онымен байланысу тәртібі туралы толық ақпаратты мына жерден табуға болады.