Қазақстанда екінші сынып оқушыларының оқу бағдарламасынан шет тілі алып тасталуы мүмкін

Дайындалған құжатта 2023 жылдың 1 қыркүйегінен бастап екінші сыныптарда "Шетел тілі" пәні алып тасталатыны айтылған.

10-11-сыныптарда оқу жүктемесі қысқартылған үлгілік оқу жоспарларында "Шетел тілі" пәні бойынша сағат саны ауыспалы жүктеме сағаттарына байланысты бір сағатқа ұлғайтылған.

"11 жылдық оқыту шеңберінде оқу бағдарламаларын жетілдіру бойынша жүйелі жұмыс Қазақстандық білім беру жүйесін білім берудің халықаралық стандарттық сыныптамасы деңгейіне шығаруға мүмкіндік береді және мектеп түлектеріне Еуропалық біліктілік шеңберінің қажетті деңгейлерін игеруге мүмкіндік береді", - делінген құжатқа түсіндірме жазбада.

Түзетулер жобасы 24 сәуірге дейін қоғамдық талқылауда болады.