Қазақстанда МСАК дәрігерінің қабылдау уақыты ұзартылады

0
143

2025 жылдың басында тіркелген халық саны 20 млн-нан асады.


Қазақстанда МСАК дәрігерінің қабылдау уақыты ұзартылады

ERNUR.KZ. Халықтың шамамен 38%-ы ауылда тұрады. Бүгінгі таңда Қазақстанда 677 бастапқы денсаулық сақтау нысаны жұмыс істейді, олардың 62%-ы қалаларда, 38%-ы ауылдық жерлерде. Мемлекеттік ұйымдар бекітілген халықтың 75%-н, яғни 15 млн-ға жуық адамға, ал жекеменшік ұйымдар 25%-ға немесе 5 млн-ға жуық адамға қызмет көрсетеді, деп хабарлады ҚР ДСМ «Республикалық медициналық-санитариялық алғашқы көмек орталығы» ШЖҚ РМК директоры Айгүл Қасымова ОКҚ-да өткен баспасөз мәслихатында.

Оның мәліметтері бойынша, учаскелер құрылымының 80% —н жалпы практика дәрігерлері, 13%-ын педиатриялық учаскелер, 6%-ы терапевтік учаскелер құрайды. Кадрлармен қамтамасыз етудің оң үрдісі бар: 87% – жалпы тәжірибелік дәрігерлер және 81% –орташа медициналық қызметкерлер. Терапевтер мен педиатрлар арасындағы көрсеткіштер де шамалас, дәрігерлер бойынша шамамен 84-85% және мейірбикелер бойынша – 81%.

Бұл ретте, спикер атап өткендей, негізгі бейіндер бойынша кадрлармен қамтамасыз ету одан әрі күшейтуді талап етеді. Айгүл Қасымова Денсаулық сақтау министрлігі нормативтік-құқықтық базаны жетілдіру бойынша жүйелі жұмыс жүргізіп жатқанын атап өтті. Бастапқы денсаулық сақтаудың негізгі нормативтік құжаттарының бірі №49 алғашқы медициналық-санитарлық көмек көрсету стандарты болып табылады.

«Жаңа редакцияда бастапқы денсаулық сақтау дәрігерін қабылдау ұзақтығын ұлғайту ұсынылды. Яғни, егер бұрын әріптестер 4-5 сағат қабылдаса, қазір бұл уақыт 6 сағатқа дейін созылады. Бұл пациенттерді мұқият тексеруге, тиімді ем тағайындауға, динамикалық бақылауды сапалы жүргізуге, сондай-ақ бастапқы денсаулық сақтаудың маңызды бағыттарын - аурулардың алдын алу мен ерте анықтауды жүзеге асыруға мүмкіндік береді», – деді ол.

Сондай-ақ пациенттің маршруты қайта қаралып, көмек көрсетуге баса назар аударылды. Мейірбикелік қабылдау енгізілді, бейінді мамандарға өзін-өзі жазу мүмкіндігі іске асырылды, кезек бойынша емес, кесте бойынша қабылдау жоспарлануда. Әсіресе, жоспарлы госпитальдау алдындағы консультациялық-диагностикалық қызметтер, оңтайландырылды. Ынталандырушы компонентті есептеудің жаңа әдістемесі енгізілді, дәрігерді үйге шақыруға қажетті белгілер оңтайландырылды. Мобильді бригадалардың рөлі кеңеюде, МСАК ұйымдарында шұғыл көмек кабинеттері құрылуда, сондай-ақ дәрігерлерден медбикелерге кейбір өкілеттіктерді беру шеңберінде жұмыс жүргізіліп жатыр.

Биыл диагностикалық әдістерді жаңарту және мақсатты топтарды кеңейту арқылы ауруларды ерте анықтауға және алдын алуды жақсартуға бағытталған скринингтік бағдарламаларды жетілдіру жұмыстары жалғасуда.