Оқ ер адамның иек тұсынан өткен.
Фото: Алматы облысы Денсаулық сақтау басқармасы
ERNUR.KZ. Қазақстандық азамат қару тазалап жатып, абайсызда жағына оқ атқан, деп жазады inbusiness.kz.
Оқ ер адамның иек тұсынан өткен. Оқ жарақаты бар науқас Алматы көпсалалы клиникалық ауруханасына шұғыл жатқызылды.
Жақ-бет хирургиясы бөлімінің дәрігерлері науқастың жағдайын бағалаған. Мұндай жағдайларда шұғыл көмектесу өте маңызды.
Науқасқа көмектесу үшін оқты алу қажет болған. Отаны жақ-бет хирургиясының дәрігері Бақытжан Шермахан жасады.
"Ота сәтті өтті, науқасқа отадан кейін де қажет көмек уақытылы көрсетілді. Науқастың жағдайы жақсы және мамандардың бақылауында", – деді дәрігер Бақытжан Шермахан.
