ERNUR.KZ. Биылғы жазда қазақстандықтар Түркияға жасаған сапар саны бойынша 2014 жылдан бері бұзылмай келе жатқан рекордты жаңартты, деп жазады kaz.inform.kz.
Түркияның Мәдениет және туризм министрлігі келтірген дерекке сүйенген Бірінші кредиттік бюро осындай мәлімет ұсынған.
Түркия тарабының мәліметі бойынша, биылғы шілде-тамыз аралығында Түркияда 4404 мың Қазақстан азаматы кірген. Бұл былтырғыдан 7 пайыз көп деген сөз 2014 жылдан бері тіркелмеген жоғары көрсеткіш болып есептеледі.
Биыл Түркиядағы демалыс айтарлықтай қымбаттаған болатын. Атап айтсақ, жолдамалар құны шілдеде 35,5%, тамызда 39,3% көтерілген еді. Түркия деп телмірген қазақстандықтарға бұл да тосқауыл болмағанға ұқсайды.
Бірақ Түркия тарабы ұсынған мәлімет бұл елген туристік жолдамамен барған азаматтардың саны деген сөз емес. Елге кірген азаматтардың бәрін есепке алған. Яғни, келушілерді мақсатына, сапар мерзіміне қарай жіктемеген. Алайда былтыр қазақстандықтар турист ретінде ең көп баратын жер Анталия екені айтылған.
