Қазір нарықта осындай үш оператор бар.
Фотоколлаж: Azattyq Rýhy/Әбілқасым Есентаев
ERNUR.KZ. 2027 жылға дейін Қазақстан нарығына тағы екі спутниктік интернет операторы келеді. Бұл туралы Премьер-министрдің орынбасары – жасанды интеллект және цифрлық даму министрі Жаслан Мәдиев мәлімдеді, деп жазады azattyq-ruhy.kz.
Министрдің айтуынша, қазір ел нарығында 3 спутниктік интернет операторы жұмыс істейді. Олар: Қазсат, Starlink және One Web.
«2027 жылға дейін нарыққа тағы 2 компания келеді деп күтілуде, олардың пилоттық сынақтары 2026 жылы өтеді», - деді Мәдиев Үкімет отырысында.
Сонымен қатар 2025-2026 жылдары ел аумағында Direct to cell (D2C) қызметін іске қосу жоспарланып отыр. Бұл жоба ел аумағын ұялы байланыспен толықтай қамтиды.
«Бірінші кезеңде, 2026 жылы SMS-хабарламалар қолжетімді болады. Одан кейін 2027 жылы дауыс байланысы мен деректерді беру қызметтерін көрсету жоспарланып отыр», - дейді ол.
Жүргізіліп жатқан жұмыстардың нәтижесінде Қазақстан спутниктік байланыс бойынша цифрлық хабқа айналады, деп атап өтті министр.
