Қазақстаннан әлемнің 32 еліне ұшуға болады

0
227

Қазақстандық және шетелдік әуе компаниялары аптасына 778 халықаралық рейс орындайды.


Қазақстаннан әлемнің 32 еліне ұшуға болады

Қазақстан халықаралық рейстер географиясын айтарлықтай кеңейтуде. Бұл азаматтардың ұтқырлығын арттыруға және шет мемлекеттермен сауда-экономикалық ынтымақтастықты жақсартуға мүмкіндік береді, деп хабарлайды ERNUR.KZ ҚР Көлік министрлігіне сілтеме жасап.

Бүгінгі таңда Қазақстанның әлемнің 32 елімен – Әзербайжан, Армения, Беларусь, Ұлыбритания, Вьетнам, Германия, Грузия, Мысыр, Үндістан, Иран, Италия, Катар, Қытай Халық Республикасы, Кувейт, Қырғызстан, Малайзия, Чехия, Моңғолия, Нидерланды, БАӘ, Польша, Ресей Федерациясы, Сауд Арабиясы, Тәжікстан, Таиланд, Түркия, Өзбекстан, Оңтүстік Корея, Мальдив аралдары, Бахрейн, Черногория, Грециямен тікелей әуе қатынасы бар.

Қазіргі уақытта 132 халықаралық әуе бағыты бар. Қазақстандық және шетелдік әуе компаниялары аптасына 778 халықаралық рейс орындайды.

Қазақстан Республикасының Көлік министрлігі шет мемлекеттердің авиациялық билік органдарымен ынтымақтастықты кеңейту бойынша үнемі келіссөздер жүргізуде. Бұл қолжетімді бағыттардың санын одан әрі арттыруға мүмкіндік береді.

Биылғы жылы Алматыдан Мумбай, Бейжің, Куала-Лумпур, Иркутск, Эль-Алаймен, сондай-ақ Ақтөбе – Шарм-эль-Шейх қалаларына жаңа әуе бағыттары ашылды. Оңтүстік-шығыс Азиядағы ең ірі лоукостердің бірі - Малайзиялық «Air Asia X» әуе компаниясы Астанадан Душанбе, Прага, Сеул, Ақтау - Минеральные воды қалаларына тұрақты рейстерді қалпына келтірді, ал қытайлық «China Southern Airlines» әуе компаниясы Алматы-Үрімші бағыты бойынша рейстер санын көбейтті.