Чартерлік рейстерді ұйымдастыру қызметі бес жылдық кезеңге есептелген.
ERNUR.KZ. "ҚазМұнайГаз" ұлттық компаниясы чартерлік рейс ұйымдастыру қызметтерін не үшін сатып алатынын түсіндірді, деп жазады tengrinews.kz.
Ұлттық компания мәліметінше, чартерлік рейстерді ұйымдастыру қызметі бес жылдық кезеңге есептелген: 2024 жылдан 2028 жылға дейін.
"ҚазМұнайГаз" коммерциялық және өндірістік мәселелерді жедел шешу үшін, соның ішінде төтенше және апаттық жағдайлар кезінде тұрақты жолаушылар рейсі болмаған жағдайда төтенше жағдайларда чартерлік рейстерді пайдаланады. Іссапарлар болуы мүмкін және алдын ала жоспарланған көп жағдайларда компания Air Astana, SCAT, Qazaq Air және басқа да бірқатар әуе тасымалдаушыларының тұрақты рейс қызметтерін, сондай-ақ жолаушылар теміржол көлігі пайдаланады", - деп хабарлады компания.
Осы мақсаттарға "ҚазМұнайГаз" бес жылдық кезеңге 1,6 миллиард теңгені жоспарлаған. Бұл ретте ұлттық компания чартерлік қызметтерге ақы төлеу рейс орындалған кезде жүзеге асырылатынын атап өтті."Басқаша айтқанда, чартерлік рейс қажет болмаса, "ҚазМұнайГаздың" қаржылық ресурстары игерілмейді", - деп түсіндірді компания.
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
