18 жасар аспаз қазыдан суши әзірлейді

Бұл қазақтың «Рататуй» атанған ең жас аспазы. Есімі - Рамазан. Түркістан қаласының тумасы. 12 жасынан бастап асханаға қызығушылығы оянып, анасымен бірге тәтті тағамдар дайындай бастаған. Үйінің сүткенжесі оқуға түсе алмаса да, болашақта әлемге әйгілі аспаз болатынына сенімді. Арманы - француздық "Мишлен" жұлдызын иемдену.

"Бірінші жасаған тамағым - қуырылған тауық мен жұмыртқа. 15 жасымда 240 мың айлыққа аспаз болып жұмыс жасадым. Әлем халықтарының асханасын үйрендім. Араб, кавказ, грузин иағамдарын жасап, қазақшамен қосып 17 жасымда үлкен ресторанның шеф-поворы болдым", - дейді аспаз Рамазан Ахмет.

Рамазан түрлі елдің асханасын толықтай меңгерген. Қазір өзі шәкірт тәрбиелеуде. Ең үлкені 40 жаста.

Қазақтың РАТАТУЙІ мыңнан аса дәмді тамақтың түрін еншілеген. Тіпті, өзінің авторлық қоспаларын ойлап тапқан. Солардың бірі....

"Үш жылдың ішінде 600-ден астам тамақтың түрлерін үйрендім, қалғанын барлығы фантазиясына байланысты, сол үшін мені "Рататуй" деп атап кетті. Ешкім жеп көрмеген жапондық кухняны сушиға қазы жасап шығардым, семгамен манты жасадым. Оның ішінде семга болады. Тестасын икрамен жасадым, ал ішіндегі начинкасын семгамен жасадым, қойдың майымен қостым", - дейді аспаз Рамазан Ахмет.

Ал Флинн есімді жігіт - әлемдегі ең жас шеф-повор! Ол небәрі 10 жасында жүздеген тамақты үйренсе, 16 жасында Нью-Йорктың қақ ортасынан жеке мейрамханасын ашыпты. Қазір Флин қолынан әзірлеген астың дәмін тату үшін белгілі жұлдыздар арнайы АҚШ-қа келеді.

"Мен мейрамхананы жақсы көремін. Тіпті менің үйім сияқты. Өзімде дәл осы жерде жайлы сезінемін. Рахаттанамын", - дейді ең жас шеф-аспаз Флинн Макгарри.

Ал Гүлбану Әділбекқызы ауылдың «супер келіні». Оң қолынан бал тамған аспаз 14 жасында шеф-повордың көмекшісі болған. Бірнеше жыл қатарынан, шетелдің ең танымал астарын үйреніп, қазір ауыл келіндеріне дастарханды безендіруді үйретуде!

"Жалпы карантин бәрімізге қиын болды ғой. Отбасымызды қалай асыраймыз дегендей. Мен 15 жыл қатарынан асханада жүрмін. Супер келін болуға талпынбадым. Бірақ бәрі өздері солай атап кетті. Үйдегі балаларды да тәрбилеп, ауылдағы туған-туыстардың дастарханын безендіріп, бизнесті бірге ұстау оңай емес. Бірақ келін болған соң, бәрін үлгеруге тиіссің!", - дейді аспаз Гүлбану Әділбекқызы.

Карантинде қол құсырып отырмай, шәкірттерімен онлайн байланысқа шығып, білгенімен бөліскен. Қазір шамамен 20 жуық шәкірті бар. Айына миллион теңге табыс табамын, дейді.

Қазалылық аспаздың сөзінше, клиенттер көбіне Еуропа елдері мен Жапонияның тағамдарына тапсырыс беруге тырысады екен. Қазір қызыл балық, суши, түрлі шөп-шалаңнан дайындалған салат түрлеріне сұраныс көп, дейді.