ҚХР мен Қазақстан арасындағы тасымал қаңтар айында 18% өсті

21.02.2025 10:30

171

Қазақстандық жүктердің ҚХР-ға экспорты 5% өсіп, 1,1 млн тоннаны құрады.

фото: Қазақстан темір жолы

2025 жылғы қаңтарда Қазақстан мен Қытай арасындағы теміржол тасымалының көлемі 2,8 млн тоннаға жетті, бұл 2024 жылдың сәйкес кезеңімен салыстырғанда 18% артық, деп хабарлайды ERNUR.KZ "Қазақстан темір жолы" "ҰК" АҚ баспасөз қызметіне сілтеме жасап.

Достық шекаралық өткелі 12% өсімді тіркеп, 1,5 млн тоннаға жетті. Алтынкөл өткелі арқылы 1,3 млн тонна жүк тасымалданды, бұл өткен жылдың қаңтарымен салыстырғанда 25% артық.

Қазақстандық жүктердің ҚХР-ға экспорты 5% өсіп, 1,1 млн тоннаны құрады. Металл кендерін тасымалдау 5% (652 мың тонна), қара металдарды тасымалдау 77% (104 мың тонна), мұнай өнімдерін тасымалдау 50% (32 мың тонна) және басқа да жүктерді (кебек, құрама жем, өсімдік майы) тасымалдау 30% ( 215 мың тонна) ұлғайды.