Көктемгі әскерге шақыру: астаналықтардың алғашқы легі шекараға қызмет етуге аттанды

0
259

Көктемгі шақыру барысында Астанадан мерзімді әскери қызметке барлығы 1000-нан аса адамды жіберу жоспарланып отыр.


Көктемгі әскерге шақыру: астаналықтардың алғашқы легі шекараға қызмет етуге аттанды

ERNUR.KZ. Көктемгі әскерге шақыру шеңберінде Астана қаласы қорғаныс істері жөніндегі департаментінің жинау пунктінде Шығыс Қазақстан облысы Зайсан ауданындағы ҚР ҰҚК Шекара қызметінің әскери бөлімшесіне алғашқы 25 әскерге шақырылушы жіберілді, деп хабарлайды ҚР Қорғаныс министрлігі.

Көктемгі шақыру барысында Астанадан мерзімді әскери қызметке барлығы 1000-нан аса адамды жіберу жоспарланып отыр. Шақыру науқаны маусым айының соңына дейін жалғасады.

Әскери қызмет кезінде және запасқа шығарылғаннан кейін екі ай ішінде азаматтардың бұл санатына несиелері мен қарыздары бойынша төлемдерін кейінге қалдыру жеңілдіктері қолданылады. Бұдан өзге «Срочник 2.0» бағдарламасы бойынша жауынгерлік жарыстың жеңімпаздарына ҰБТ тапсырусыз еліміздің жоғары оқу орындарына мемлекеттік грант негізінде оқуға түсу мүмкіндігі де қарастырылған. Сонымен қоса оқудың бірінші жылында студентке жатақханадан орын алуға басымдық беріледі.