Коронавирус шыққан елдерде жүрген қазақстандықтарға 1 наурызға дейін мүмкіндік берілді

ERNUR.KZ. Қазақстан қазіргі уақытта коронавирус індетінің өршуі байқалатын бірқатар елдермен арадағы рейстерді шектемекші, деп хабарлады бас санитарлық дәрігер Жандарбек Бекшин орталық коммуникациялар қызметінде өткен арнайы баспасөз мәслихатында, деп жазады zakon.kz.

"Біз ұшу саны бойынша шектеу болады. Сондықтан сыртта жүрген отандастарымызға 1 наурызға дейін елге оралуға мүмкін береміз. Мысалы, Оңтүстік Кореяға аптасына 9 рейс ұшады. Олардың міндеті - азаматтарымызды барынша елге қайтару", - деді Бекшин.

Оның сөзіне қарағанда, бұл Иранға да қатысты, онда бүгінде 170-ке жуық Қазақстан азаматы жүр.

"Көбісі билеттерді қайтарып жатыр. Кеше ведомствоаралық комиссияға билеттердің құнын толық көлемде өтеу тапсырылды", - деді Бекшин.

Оның айтуынша, егер бүгінгі күні көптеген елдерде коронавирусқа қатысты жағдай ушығып жатса, Қытайда жағдай тұрақтала бастаған.

"Басқа елдердегі науқастар санының өсуі бізді қатты алаңдатады. 2,5 мыңға жуық жағдай тіркелді, бұл соңғы 24 сағат ішінде 16% -ға артты. Бұл жағдайдың шиеленісіп жатқандығын білдіреді. Сондықтан ДДСҰ-ның Бас хатшысы бұл мәселеде әлем пандемия алдында тұр деп бекер ескерткен жоқ. Бұл індеттің екі немесе одан да көп континенттерге таралған кезде болатын жағдай", - деп сөзін толықтырды бас санитарлық дәрігер.

Ол бұл індеттің Еуропа мен Австралияға, сондай-ақ Италияға «импортталып» кеткендігімен кең қанат жайып жатқанын түсіндірді.

24 ақпанда бірқатар елдерде коронавирусқа қатысты қолайсыз жағдайға байланысты қазақстандықтарға сапардан бас тарту және бұрын сатып алған билеттерін қайтару ұсынылды деп хабарланды.

Атап айтқанда, Оңтүстік Корея (күніне 168 жағдай), Италия (144), Жапония (132), Сингапур (89), Иран (49), Тайланд (35), Малайзия (22) сияқты елдер туралы айтылды.