Зардап шеккендердің алтауы ауруханаға жатқызылған.
Сурет: pixabay
ERNUR.KZ. Қостанайда 29 бала жаңа жылға орай арнайы жасалған сырғанақтан зардап шекті. Барлығы дерлік аяқтары мен қолдарынан жарақаттанған, сондай-ақ, арасында денелері көгеріп, милары шайқалғандар да табылды. Тіпті алған жарақаттары салдарынан есінен танып қалғандар да болды, деп жазады zakon.kz.
Зардап шеккендердің алтауы ауруханаға жатқызылған. Дәрігерлер мұндай жағдайлардың көп бөлігі ересектердің бақылауы болмағандықтан дейді.
"Бала сырғанап болып жол жиегіне тұра бергенде, артынан келесі бір топ келіп оны қағып кетеді. Осылайша бала құлап, желкесі мұзға тиеді. Бұл жағдайдың 90%-ы. Мұны ересектер де, балалар да байқамауы мүмкін, ол тіпті бес-он минут жатуы да мүмкін. Оның қозғалмай жатқанына біреу-міреу назар аудармайынша осылай жата беруі ықтимал".Қостанай облыстық балалар ауруханасының травматология бөлімінің м. а. Мирас Ержасов
Бұған дейін Қостанай облысында жедел жәрдем көлігінің науқасқа жете алмағандығы хабарланған болатын.
