Биыл Қостанай облысының аудандары ғана емес, облыс орталығының өзі де табиғи апаттан зардап шекті.
Фото: Ғайсағали Сейтақ/Kazinform
ERNUR.KZ. Төтенше жағдай ресми түрде 2024 жылдың 6 сәуірінде енгізіліп, тоғыз айға созылды, деп жазады inform.kz.
Биыл Қостанай облысының аудандары ғана емес, облыс орталығының өзі де табиғи апаттан зардап шекті. Қостанай қаласының әкімі Марат Жүндібаев төтенше жағдайдың ресми түрде жойылғанын хабарлады.
Су тасқыны кезінде Тобыл өзенінің суы қала жағалауын және жүздеген жеке тұрғын үйлерді басып қалды. Әсіресе, Колесный ауданы мен саяжайлар зардап шекті.
Су тасқынының зардабын жою барысында «Колесные ряды» аймағындағы 100-ден астам апатты тұрғын үйлер сүрілді. Баспанасыз қалғандарға әкімдік 2 миллиард теңгеден асатын 98 пәтер сатып алды.
Сондай-ақ, жаңа «Қунай» шағын ауданында 14 тұрғын үй салынды. Жөндеуге жататын 106 үйдің 97-сінде жөндеу жұмыстары аяқталды.
Сонымен қатар, су тасқынынан зардап шеккен Қостанай облысының шаруалары әлі күнге дейін жоғалған малдары үшін өтемақы төленбегенін айтып шағымданып келеді.
Еске салсақ, бұған дейін Қостанай облысында кедейлік шегінен төмен тұратындар азайғанын жазған едік.
![](/assets/thumbnails/e7/e7cc7f8402add0f35415f0ec1eb4864b.jpg ""2025 жылы бүкіл адамзат әлдене үшін күреседі": Қазақстандық нумеролог келер жылға болжам жасады")
