"Оны қаматамын" - зардап шеккен сот орындаушысы видеоүндеу жариялады

ERNUR.KZ. Сот орындаушы оған шабуыл жасаған адамды қамауға алғысы келгенін айтады, деп жазады Tengrinews.kz.

Видео Instagram-дағы ZTB парақшасында тарады.

"Бәрі дұрыс. Аман-есенмін. Бауыр тұсынан ұрғысы келген, өкпеме тиді. Демала алмадым. Есімді жиып, дем алдым. Қазір бәрі дұрыс. Оны қамаймын", - деді ер адам.

Еске салайық, Алматы қаласы жеке сот орындаушылар палатасынының хабарына қарағанда, оқиға 4 қазанда болған. Зардап шеккен қызметкер нысанды бұзу кезінде соққы көрген.

Оқиға видеоға түсіріліп, әлеуметтік желілер мен мессенджерлерде тарап кетті. Кадрдан аулада тұрған ересек ер адам мен екі полиция қызметкерін және бірнеше тұрғынды көруге болады. Бір мезетте оған ер адамдардың бірі келіп, бүйрек тұсынан соққы берді.