Павлодарда өртеніп кеткен көлік жанынан адам мәйіті табылды

0
821

Қазіргі кезде қайғылы оқиғаның себептері анықталып жатыр.


Павлодарда өртеніп кеткен көлік жанынан адам мәйіті табылды

ERNUR.KZ. Павлодарда тұрғын үй аулалардың бірінде өртеніп кеткен көлік жанынан 2001 жылы туған ер адамның мәйіті табылды, деп жазады azattyq-ruhy.kz.

Облыстық ТЖД баспасөз қызметінің хабарлауынша, 2 ақпанда таңғы сағат 05:31-де үйлердің бірінің маңында «ВАЗ-2190» көлігі өртеніп кеткені туралы хабарлама түскен. Өрт аумағы 4 шаршы метрге тараған.

«Өрт сөндіру қызметі көлік қаңқасының жанынан 2001 жылы туған ер адамның өртенген мәйітін тапты. Өлімнің себебі анықталып жатыр», - деп хабарлады облыстық ТЖД баспасөз қызметі.

Ведомство өрттің сағат 05:46-да оқшауланып, 05:48-де толығымен сөндірілгенін атап өтті.

«Оқиғаның себебі мен шығыны анықталып жатыр. Оқиға орнында бес адам мен бір техника жұмыс істеді. Аталған оқиғаға қатысты материалдар полиция тапсырылды», - делінген хабарламада.