Pfizer мен тұмауға қарсы екпені қатар алуға бола ма?

ERNUR.KZ. "Комирнати" (Pfizer, АҚШ) вакцинасымен коронавирустық инфекцияға қарсы вакцинаны бастау туралы" баспасөз мәслихатында препараттың бір флаконы қанша адамға есептелген деген сұраққа жауап берілді, деп жазады Zakon.kz.

"Комирнатиді" сақтауға арналған екі терең мұздатылған тоңазытқыш бар. Олардың көлемі 780 текше метрді құрайды, олардың әрқайсысында 350 мың дозаны сақтауға болады. Тоңазытқыштар Алматының Орталық қоймасында орналасқан. Жақын арада тағы төрт тоңазытқыш жеткізіледі деп күтілуде.

Қалалық Санитарлық-эпидемиологиялық бақылау департаменті басшысының орынбасары Әсел Қалықова қызылша немесе тұмауға қарсы екпе алған соң бір ай күту керек, содан кейін коронавирусқа қарсы вакциналауға болатынын айтты.

Бұл препараттың флаконы алты адамға арналған, дозасы – 0,3 миллилитр. Егер вакцина жарамсыз болып қалса, тергеу ұйымдастырылады, - деп атап өтті Әсел Қалықова.

Бұл бір күнде шешілмейді. Комиссия құрылады, препараттың қай кезеңде бүлінгені, температура режимі, жеткізу және сақтау шарттары тексеріледі. Тексеру қорытындысы бойынша жауапты адамдар жазаланады. Суық тізбек жүйесі өндірушіден екпе салуға дейін сақталуы тиіс.