Бас санитар дәрігер тексеріс жүргізу үшін Rixos-қа үш рет барған.
ERNUR.KZ. Маңғыстаудың бас санитар дәрігері Әсима Жарылғасованы Rixos қонақүйіне тексеріс жұмыстарын жүргізуге кіргізбей қойған, деп жазады tengrinews.kz.
"Кеше біз тексеріс жүргіземіз деп Rixos-қа үшінші рет бардық, бірақ онда кіру мүмкін болмады. Бүгін түстен кейін қонақүй өкілдері бізге неге рұқсат берілмегенін түсіндіреді. Біз, мемлекеттік органбыз, мұндай іс - әрекеттер біздің жұмысымызға кедергі болады, бұл үшін жауапкершілік қарастырылады", - деп келтіреді басылым Әсима Жарылғасованың сөзін.
Санитар дәрігер демалыс орындарын тексеру алдын ала ескертусіз жүргізілетінін түсіндірді.
