Жыл басынан бері Павлодар өңірінде мұндай тіркеуден 1591 шетелдік өткен.
ERNUR.KZ. Дактилоскопиялық тіркеу тек шетелдік азаматтар үшін міндетті. Одан бас тартқандар ел аумағынан мәжбүрлі түрде шығарылады, деп жазады inform.kz.
Облыстық полиция департаментінен хабарлағандай, ел аумағында уақытша, тұрақты тұруға рұқсат немесе виза алу үшін жүгінген шетелдіктер мен азаматтығы жоқ адамдарды міндетті дактотіркеу 1 қаңтардан бастап жүзеге асып жатыр.
Жыл басынан бері Павлодар өңірінде мұндай тіркеуден 1591 шетелдік өткен.
«Дактотіркеуден өту үшін азаматтар көші-қон қызметіне жүгінуі керек. Көші-қон қызметінің әрбір бөлімшесінде арнайы жабдықтар қойылған. Қызмет алушы тұлғалар белгіленген нұсқаулыққа сәйкес саусақ ізін қалдырады. Дактилоскопиядан өткен соң азаматқа анықтама беріледі, оны әрі қарай құжат рәсімдегенде халыққа қызмет көрсету орталығына немесе аумақтық көші-қон қызметтеріне ұсына алады» деп түсіндірді полиция департаментінен.
Саусақ ізін қалдырудан бас тартқан жағдайда шетелдік азаматтар елден шығарылады.
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
