Аймақ басшысы Даниал Ахметовтің тапсырмасы бойынша мәселені егжей-тегжейлі тексеру үшін арнайы комиссия құрылды.
Семей қаласының "Жетім балалар мен ата-анасының қамқорлығынсыз қалған балаларға арналған мектеп-интернатында" бала қайтыс болды. Бұл туралы Шығыс Қазақстан облысы әкімдігінің Instagram-дағы ресми парақшасында жазылды, деп хабарлайды ERNUR.KZ.
"Облыстық білім басқармасының ақпараты бойынша, 17 тамызда Семей қаласының "Жетім балалар мен ата-анасының қамқорлығынсыз қалған балаларға арналған мектеп-интернат" КММ тәрбиеленушісі қайтыс болды. Өлімінің алдын ала көрсетілген себебі – бас миының ісінуі.
Аймақ басшысы Даниал Ахметовтің тапсырмасы бойынша мәселені егжей-тегжейлі тексеру үшін арнайы комиссия құрылды. Оны ШҚО әкімінің орынбасары Әлішер Мархабат басқарады. Жұмыс тобының құрамына қадағалау және құқық қорғау органдары, денсаулық сақтау басқармасы, ТКҚСҚБД, сондай-ақ қоғам өкілдері кірді.⠀ Әр баланың өлімі - қайғылы жағдай. Сондықтан әр жағдайды толыққанды зерделеп, зерттеу қажет. Айта кету керек, аталған мәселе облыс әкімінің жеке бақылауында", - делінген таратылған ақпаратта.
