СҚО-да мектеп-интернат оқушылары жаппай COVID-19 жұқтырды

ERNUR.KZ. Мамлют мектеп-интернатында 19 оқушы коронавирус жұқтырды, деп жазады Tengrinews.kz.

Бұл ақпаратты Facebook-те аудан әкімінің орынбасары Алмагүл Рамазанова жариялады. Тауарлар мен қызметтердің сапасын бақылау басқармасы деректі растап, ауру жұқтырған оқушылар оқшауланғанын атап өтті. Қалғандары оқуын жалғастырып жатыр.

Мектеп-интернатта туберкулез интоксикациясы бар балалар оқиды. Олар бұл мекемеде сауықтырудан өтеді.

Қазіргі таңда Мамлютка ауданы карантинге жабылған.