СҚО-да оқушыларда тыйым салынған сайттарға кіруге мүмкіндік болған

21.02.2024 15:49

460

Білім беру мекемесінде қауіпсіздікті қамтамасыз ету бойынша жүргізілген тексерулер кәмелетке толмағандардың құқықтарының өрескел бұзылуын анықтаған.

ERNUR.KZ. Солтүстік Қазақстан облысының прокурорлары мектеп директорларын тыйым салынған контентке ашық қолжетімділік мүмкіндіктері үшін әкімшілік жауапкершілікке тартты, деп жазады tengrinews.kz.

"Қазақстан Республикасының "Білім туралы" Заңының талаптарын бұза отырып, Петропавл қаласындағы 9 орта мектепте информатика кабинеттерінде тыйым салынған сайттарға балаларды өз өмірі мен денсаулығына қауіп төндіретін әрекеттерді жасауға ынталандыру (соның ішінде суицид және зорлық-зомбылық әрекеттері) материалдары бар ашық қолжетімділік тыйым салынған сайттар анықталды", - делінген хабарламада.

Қадағалау органының қаулыларына сәйкес, білім беру ұйымдарының басшылығы (директорлары) ӘҚБтК-нің 409-бабы 7-2-бөлігі бойынша айыппұл түріндегі әкімшілік жауапкершілікке тартылған.

Сонымен бірге, прокурордың ұсынысы бойынша қаладағы барлық білім беру мекемелерінде тыйым салынған интернет-ресурстарға қолжетімділік шектелген.

"Қадағалау органы балалардың құқықтары мен мүдделері бұзылған жағдайда заңды өкілдері мен кәмелетке толмағандар 8-7152-36-03-83 облыспрокуратурасының сенім телефонына хабарласа алатынын еске салады".