Шоу-бизнес өкілінің сөзінше, әншімен ат құйрығын кесісіп, араласпай кеткен.
Фото: https://vk.com/photos76185951
ERNUR.KZ. Белгілі продюсер, медиаменеджер Жан Мұқанов экс-жобасы, әнші Төреғали Төреәлімен даулы жанжалдан кейін кай кезде жолыққанын есіне алды, деп жазады stan.kz.
Шоу-бизнес өкілінің сөзінше, әншімен ат құйрығын кесісіп, араласпай кеткен.
“Араға үш жыл салып, Шымкентте көрісеміз. Ол кезде Шымкентке көшіп кеткенмін. Кеңсемде отырдым. Екеуміздің ортақ танысымыз бар. Ол кісі де танымал той-мереке ұйымдастырушысы. Ол менен бір әртіске өнер көрсетуге домбырамды бере тұруын сұрайды. Менің домбыралар коллекциям бар. Артық ойсыз, өтінішін қабыл алдым. Домбырамды бердім. Өзі келіп, алып кетті. Бірақ бірнеше сағаттан соң маған хабарласып, "Сен ренжімейсің деп ойлаймын. Бұл домбыраны мен Төреғалиге бердім" дейді. Мен ренжіген жоқпын. Ол кезде мен бәрін ұмытып, ренішім басылған”, – деп әңгімесін бастады продсюер.
Айтуынша, әнші экс-продюсерімен өзі жолығуды қалап, кешірім сұрағысы келген.
“Сөйтіп үш жылдан кейін кездестік. Мен оған шапалақ берем деп ойладым. Ол да мені ұратын шығар деп ойлағанын айтты. "Сіз мені ұрсаңыз да, мен соған лайық едім" деді. Соңында құшақтасып, жыладық. Шынымды айтсам, мен оны қатты жақсы көрдім, жақсы көремін де. Мен продюсерлік еткен жұлдыздардың арасында Төреғали бірегейі еді. Мен бұл жобамды мақтан тұтамын. Біз тарих жасадық. Аз уақыт ішінде 10, 20, 30 мыңдық стадиондарды жинау кез келген әртістің қолынан келе бермейді", – деді Жан Мұқанов.
![](/assets/thumbnails/9d/9d3292c9cc75f61cd2e43307c749355b.jpg ""Келінім қайнымды шық бермес Шығайбай қылды"")
