Вакцинациялау бойынша еліміз ТМД-да екінші орында тұр

Оның айтуынша, республикада коронавирус инфекциясына қарсы вакцинациялау қарқынды жүргізіліп жатыр.

Әлемдік рейтингте Қазақстан коронавирус инфекциясына қарсы екі дозамен вакцинациялау бойынша 208 елдің ішінде 103-орында, оның ішінде Тәуелсіз мемлекеттер достастығы елдері арасында Қазақстан екінші орында тұр, - деп атап өтті Жандос Бүркітбаев.

Сонымен қатар ведомствоның жаңа басшысы халық санының 44,5%-ы вакцинациямен қамтылғанын алға тартты.

1-ші компонентпен 8,9 млн-нан астам адам егілді, осылайша, егілуге тиісті халықтың 78,3%-ы қамтылды. Екінші компонентпен 8,4 млн астам адам қамтылды. Ол егілуге тиісті халықтың 73,8%-ын құрайды, - деді министрдің міндетін атқарушы.