Жаңажылдық дастарқан: ОЛИМП зертханасы ең жиі кездесетін тағамдық аллергендерді анықтады

2021 жылы ОЛИМП клиникалық-диагностикалық зертханасында 3068 адам тағамдық аллергендерге тексерілді. Әрбір төртінші пациентте (777 адамда немесе пациенттердің 25%-нда) белгілі бір азық түріне аллергия анықталған. Оның ішінде 402 пациентте 1 тағамға аллергия, 172 адамда 2 бірдей азық түріне аллергия, 90 адамда 3 өнімге, 39 пациентте 4 тағам түріне аллергия бары анықталды. Ал 7 пациентте тіпті бір мезетте 11 және одан да көп азық түріне аллергия бар екен.

"Ең жиі кездесетін тағамдық аллергендер ондығына сиыр сүті (257 жағдай), тауық жұмыртқасы (242 жағдай), глютен (169 жағдай), жұмыртқа ақуызы (108 жағдай), жержаңғақ (94 жағдай), бидай (74 жағдай), бал (70 жағдай), казеин (59 жағдай), банан (52 жағдай), шабдалы (44 жағдай) енді, - деп атап өтті «КДЛ ОЛИМП» ЖШС бас директоры Ерлан Сүлейменов. - Сондай-ақ жұмыртқа саруызына (40 жағдай), картопқа (34 жағдай), мандаринге (34 жағдай), алмаға (28 жағдай), грек жаңғағына (21 жағдай) және томатқа (18 жағдай) аллергия да кең таралған", - дейді зертхана басшысы.

ОЛИМП зертханасында 70-ке жуық тағамдық аллергендерге талдау жасалады. Зерттеу үшін көктамыр қаны қолданылады. Қанда тағамдық аллергендерге қарсы арнайы Е иммуноглобулиндері анықталады.

"Аллергия анықталған пациенттердің 50,5% - бұл 2-7 жас аралығындағы бүлдіршіндер, 14,7% - 8-14 жастағы балалар, 13,6% - 0 -1 жастағы сәбилер", - деп хабарлады Ерлан Сүлейменов.

Тағамдық аллергия кезінде есекжемнің пайда болуы, ерін, бет, тіл,тамақ ісінуі, жүрек айнуы және құсу, іштің ауруы және диарея, ысқырықты дем алу, қан қысымының төмендеуі мен естен тану (анафилаксиялық шок) сияқты симптомдар болады. Тағамдық аллергиясы бар адамдарға аллергенді мүлдем тұтынуға болмайды.