"Жетім қызды зорлаған": Динара Зәкиева күдікті ретінде 7 жасөспірім анықталғанын айтты

ERNUR.KZ. Бала құқықтары жөніндегі уәкіл Динара Зәкиева Алматы облысында кәмелетке толмаған қызға жасалған азғындық дерегіне байланысты пікір білдірді, деп жазады inbusiness.kz.

Бұған дейін Алматы облысы Жамбыл ауданына қарасты Қарғалы ауылында кәмелетке толмаған қызды бірнеше адам зорлады деген ақпарат тарады.

Желіде тараған видеода әйел мен бірнеше ата-ана мектепке келіп, 7-сыныпта оқитын жетім қыздың зорлық көргенін және мұны басшылықтың жасыруға тырысқанын айтады.

Бала құқықтары жөніндегі уәкіл Динара Зәкиева осы оқиғаға байланысты пікір білдірді.

"Алматы облысында қыз балаға қатысты сексуалдық сипаттағы зорлық-зомбылық әрекеттері жөнінде сұрақтар келіп түсуде. Кәмелетке толмаған жеті жасөспірім анықталды. Тергеу жүріп жатыр. Өңірлік бала құқықтары жөніндегі уәкіл мен психолог мамандар дүйсенбіден бері оқиға орнында жұмыс істеп жатыр", – деп жазды Динара Зәкиева.