Жыл басынан бері елімізде 11 мыңнан астам адам құтқарылды

Орталық коммуникациялар қызметі алаңында ҚР Төтенше жағдайлар министрі Юрий Ильин осындай мәліметтерді келтірді, деп хабарлайды ERNUR.KZ ortcom.kz-ке сілтеме жасап.

Оның айтуынша, бұл көрсеткішке жекелеген қызмет бағыттары бойынша алдын алу және профилактикалық жұмыстар бойынша жүргізіліп жатқан іс-шаралардың арқасында қол жеткізілді.

«Бөлімшелермен 11 мыңнан астам адам құтқарылды, 12 мыңға жуық адам эвакуацияланды, 4 мыңнан астам азаматқа алғашқы медициналық көмек көрсетілді. Барлығы 76 мыңнан астам шығулар жасалды. Сонымен қатар зардап шеккендердің 5,5% немесе 1 736, қаза тапқандардың 14,5% немесе 838, материалдық залалдың өскені байқалады. Есептік кезеңде өрттерде қаза болғандар саны 297-ден 354-ке дейін, суда 8,3%-ға (374-тен 405-ке дейін), өндірістік аварияларда 2-ден 13-ке дейін өсті. Өкінішке орай, өсу адамдардың топтық өлімімен резонанстық қайғылы жағдайларға байланысты. Жыл басынан бері - бұл газ баллондарының жарылыстары Нұр-Сұлтан және Петропавл қалаларында болды, 4 адам қаза тапты және 15-тен астам азамат зардап шекті, кейіннен Ақмола облысының Шортанды ауданында - 6 адам, оның ішінде үш бала. Сондай-ақ, Жамбыл облысындағы әскери қоймада өрт шығып, 17 адам қаза тапты», - деді министр.

Ресми мәліметтерге сәйкес, жыл басынан бері авиациямен бір мыңнан астам ұшулар жасалды, санитариялық желі бойынша – 660, 632 пациент тасымалданды. Трассалық медициналық-құтқару пункттерімен 2 мыңнан астам зардап шеккендерге медициналық көмек көрсетілді, бір мыңнан астам адам ауруханаға жатқызылды, өзін – өзі емдеу тәртібімен 748 медициналық көмек көрсетілді.