Әлемнің ғажайып көріністеріне куә болғыңыз келе ме?

иллюстрациялық фото: ашық дереккөзден

Егер сіз дұрыс орынды тапсаңыз, әлемнің керемет таулары немесе қала пейзаждарынан да ғаламат әсер ала аласыз. Біз ұсынатын керемет көріністерді тамашалауға мүмкіндік беретін орындар романтикалық кездесулер үшін де, шыңдарды бағындыруды армандайтындар үшін де таптырмас таңдау болады.

ТАУЛАРДЫҢ ЕҢ КҮШТІ КӨРІНІСТЕРІ

1. Маттерхорн мұздық саябағы, Зерматт, Швейцария

4500 метр биіктікте орналасқан швейцариялық Зерматтадағы Маттерхорн мұздық саябағы әйгілі Маттерхорн тауының керемет көріністерін ұсынады. Ротенбоденнен Еуропадағы ең биік станцияға дейін кабельдік жолмен жетуге болады.

Шың басында күрделі мұз мүсіндерімен безендірілген кинотеатр мен мұздық сарайы бар. Бұл жерге бару үшін қыс мезгілін күтудің қажеті жоқ, қарлы шыңдар мен тамаша шаңғы трассалары жыл бойы қызмет етеді.

Егер сіз қиындыққа дайын болсаңыз, Маттерхорн мен оның қарлы шыңдарының жанында парапланмен ұшыңыз. Бұл экскурсияның ең әсерлі бөлігі.

2. Падар аралы, Лабуан Баджо, Индонезия

Индонезиядағы Комодо архипелагында таңғажайып жағажайларымен және панорамалық көріністерімен танымал шағын Падар аралы орналасқан. Аралдың ең тамаша көріністерін көру үшін Падар аралының бақылау палубасына дейін 20-40 минуттық шағын серуенге шығыңыз. Бұл орынға дейін жету қиын болса да, бір баруға тұрарлық. Сіздің жолыңызда бірнеше шақырымға созылатын жайқалған өсімдіктердің, жұмбақ жартастардың және көгілдір сулардың керемет көріністері болады. Ыңғайлы аяқ киім киіп, көп су алыңыз. Ыңғайлы мезгіл – сәуірден қазанға дейінгі құрғақ маусым.

Падар аралына жету үшін Лабуан Баджодан бір күндік экскурсияға қосылуды ұсынамыз.

3. Мачу Пикчу, Куско, Перу

Кускодағы Мачу Пикчу теңіз деңгейінен 2,5 мың метр биіктіктен табиғаттың таңғажайып көріністерін ұсынатын тарихи орын. Мұндағы таңғажайып көріністер Инка бекінісі саяхатшылары арасында, әсіресе жаз мезгілінде өте танымал. Күн сайын Уайна Пикчу шыңына тек 400 адам көтеріле алады. Сондықтан билеттерді алдын ала алу қажет.

Кускодан Мачу Пикчуға бір күндік экскурсиямен барғанда ЮНЕСКО-ның бүкіләлемдік мұрасына кірген орындарды тамашалай аласыз. Сізге Мачу Пикчудың бай тарихы туралы бәрін айтатын тәжірибелі гид еріп жүреді. Экскурсияға қонақ үй мен пойыз билеттері кіреді, сондықтан саяхат стрессіз болады.

4. Көк таулар ұлттық паркі, Австралия

Сиднейде пойызбен жүрсеңіз екі сағатта жететін керемет тау көріністері бар. Бұл әсерлі пейзаждарымен, жартастарымен және әдемі көріністерімен танымал көк таулар. Ең жақсы көріністерді ұсынатын орын – әйгілі «Үш апалы-сіңлілі» деп аталатын жартастардың панорамалық көрінісін ұсынатын Эко-Пойнт бақылау палубасы. Күзде жапырақтардың таңғажайып көріністерін көру үшін немесе көктемде керемет гүлденудің куәсі болу үшін осында барсаңыз, өкінбейсіз.

Бұл бағытқа Эко-Пойнт алаңынан басқа, «көркем әлем» аспалы жолы және Сиднейдегі Фезердейл жабайы табиғат саябағы сияқты көрнекті орындардағы аялдамалар да кіреді.

5. Стегастейн, Эурланн, Норвегия

Норвегияның Эурланна қаласында орналасқан бақылау палубасы «Aurlandsfjelet ұлттық туристік маршрутының» көркем көріністерін ұсынады. Ол теңіз деңгейінен 650 метр және таудың баурайынан 30 метр биіктікте орналасқан. Палубадан таулардың, соның ішінде ЮНЕСКО-ның Бүкіләлемдік мұра тізіміне енген Нерей фьордының керемет көріністерін тамашалауға болады. Маусымға байланысты табиғат түрлерінің қалай өзгеретінін көру үшін жылдың кез келген уақытында баруға болады. Мұнда көріністерден бөлек, отбасымен және достармен бірге демалуға және пикникке шығуға арналған көптеген жаяу жүргіншілер жолы мен орындар бар.

ҚАЛАНЫҢ ЕҢ ЖАҚСЫ КӨРІНІСТЕРІ

6. Empire State Building, Нью-Йорк, АҚШ

Биіктігі 440 метрден асатын Нью-Йорктегі Empire State Building 40 жылға жуық уақыт бойы әлемдегі ең биік ғимарат болып саналды. Осы нысанның 86-қабатындағы 360 градустық көріністі ұсынатын ашық террассаға кіру үшін билет сатып алу қажет. Бұл билет сонымен қатар Кинг Конгқа арналған төменгі қабаттардағы интерактивті көрмелерге кіруге де мүмкіндік береді. Онда балалар көңіл көтеріп, аты аңызға айналған ғимараттың тарихы туралы біле алады. Егер сіз көптеген көріністерді, соның ішінде Эмпайр Стейт Билдинг пен Нью-Йорктің Бостандық мүсіні сияқты басқа да әйгілі жерлерді көргіңіз келсе, Рокфеллер орталығындағы Top Of The Rock бақылау палубасына барыңыз.

7. Бурдж Халифа, Дубай, БАӘ

Біріккен Араб Әмірліктеріндегі Дубай қаласында орналасқа Бурдж Халифа әлемдегі ең әсерлі ғимараттардың бірі. Қазіргі уақытта бұл әлемдегі ең биік ғимарат – биіктігі 828 метр, 163 қабаттан тұрады. 124-қабаттағы ашық бақылау палубасына көтеріліп, Пальма Джумейра және Дубай субұрқағы сияқты аңызға айналған сәулет ғажайыптарын көре аласыз.

Саяхатты тиімді пайдалану үшін Бурдж Халифа мен Дубай океанариумына біріктірілген билетті сатып ала аласыз. Яғни, көріністерден ләззат алғаннан кейін, Дубай океанариумына барыңыз. Бұл балалары бар отбасылар үшін тамаша орын.

8. Shard, Лондон, Ұлыбритания

Биіктігі 310 метрлік Shard (немесе «фрагмент») Лондондағы ең биік ғимарат болып саналады. Зәулім ғимараттың 68-ші және 72-ші қабаттарындағы The View From The Shard бақылау палубалары қаланың және мұнара көпірі, Әулие Павел соборы және Лондон мұнарасы сияқты танымал жерлердің панорамалық көрінісін ұсынады. Пирамиданы еске түсіретін бұл ғимаратта люкс бөлмеден шықпай-ақ таңғажайып көріністерді тамашалауға арналған сәнді Шангри-Ла қонақ үйі де бар.

Көріністерді тамашалағаннан кейін, Borough базарына баруға немесе Темза бойымен жүзіп бара жатқан қайықтарды көруге болады.

9. Berliner Fernsehturm, Берлин, Германия

Германиядағы аңызға айналған Берлин телемұнарасы (Berliner Fernsehturm) қаланың көрікті жерлерін көру үшін таптырмас орын, Бұл Еуропадағы ең биік құрылымдардың бірі. Ол жерден Бранденбург қақпасы мен Рейхстаг сияқты Берлиннің көрікті жерлерін тамашалауға болады.

10. Tokyo Skytree, Токио, Жапония

Жапониядағы Tokyo Skytree телемұнарасы – қаланың ең маңызды әрі көрікті жерлерінің бірі. Оның ерекше дизайны дәстүрлі жапон пагодасынан шабыт алғандай. Зәулім ғимараттар мен нысандарды тамашалау үшін билет сатып алу қажет. Сәттілік серік болса, ашық ауа райында Фудзияму тауын да көруге болады.

Егер сіз балалармен саяхаттасаңыз, олар пингвиндер мен итбалықтардан медузаға дейін 10 000-нан астам теңіз өмірін ұсынатын Scmid аквариумына барыңыз. Содан кейін Tokyo Solamachi сауда орталығына кіріңіз. Онда кейіпкерлері бар сүйкімді тауарлар және дәмді, шынайы жапон тағамдары сатылады. Одан да қызықты көріністерді тамашалау үшін тікұшақпен экскурсияға шығыңыз.

Дайындаған: Б.Мейірханұлы,

ERNUR.KZ

Тағы оқыңыз:

Әлемдегі ЕҢ ҮЛКЕН мектептер

Сәуір айында саяхаттаудың 10 АРТЫҚШЫЛЫҒЫ