Қалада 45 екпе нысаны жұмыс істеп тұр.
Шымкент қаласында жыл басынан бері 552 мыңнан астам адам екпе салдырды, деп хабарлайды ERNUR.KZ.
Шымкент қаласында жыл басынан бері коронавирус жұқтырған 35 994 науқас анықталды. Емделіп шыққан науқастардың саны – 34 476.
Өткен тәулікте коронавирус инфекциясын жұқтырудың 46 жағдайы тіркелген. Қазір 18 науқас инфекциялық стационарға жатқызылып, 28-і үй бақылауына алынды.
Сонымен қатар, қалада 45 екпе нысаны жұмыс істеп тұр. Бүгінге дейін 1-ші компонентпен 552 393, 2 – ші компонентпен 519 914 адамға егілді.
Айта кетейік, қаланың медициналық ұйымдарында коронавирус індетіне қарсы екі айлық дәрілік заттар және медициналық бұйымдар қоры бар.
