Қарттар күнінде шымкенттік зейнеткерлер тегін кино тамашалады

1 қазан күні «Фиркан-Сити» және «Shymkent Plaza» сауда-ойын-сауық орталықтарындағы кинотеатрларда төрт сеанс өтті. Көрсетілімдерге 150-ден астам зейнеткер қатысып, «Көксерек», «Тақиялы періште», «Менің атым – Қожа», «Москва слезам не верит» фильмдерін тамашалады.

Мәдени іс-шараның басты мақсаты – аға буын өкілдеріне құрмет көрсетіп, олардың бос уақытын мазмұнды өткізуіне мүмкіндік жасау.

Өскелең ұрпаққа бағыт-бағдар беретін тағылымды тұлғаларға құрмет көрсету – қоғамның ортақ міндеті.

Шымкент қаласында тұрғындардың, оның ішінде аға буын өкілдерінің мәдени демалысын ұйымдастыруға бағытталған осындай әлеуметтік бастамалар жалғасын табады.