ҚР Президенті Қасым-Жомарт Тоқаев жұмыс сапарымен Шымкентке келіп, қалада жаңадан бой көтеретін бірнеше жобаның жоспарымен танысты. Ірі өндіріс орындарын аралап көрді.
Қазақстан Республикасының Президенті Қасым-Жомарт Тоқаев жұмыс сапарымен Шымкент қаласына келді - деп хабарлайды ERNUR.KZ.
Мемлекет басшысы ең әуелі Қаратау ауданына қарасты әкімшілік-іскерлік орталығындағы шағын саябақта Шымкент қаласы Бас жоспарына сәйкес қолға алынған бірқатар жобамен танысты.
Шымкент қаласының әкімі Ғабидолла Рахматоллаұлы Теміржол вокзалы құрылыс жұмыстарынан кейін көлемі 1 700 шаршы метрден 3 500 шаршы метрге ұлғаятынын, ал тәулігіне 9000 жолаушыны өткізуге қауқарлы болатынын айтты. Елордадан келген іскер топ әуежайдағы жаңа терминал құрылысы мен «Тұран» шағынауданындағы инфрақұрылымдық жұмыстардың жайына қанықты. Сондай-ақ, шаһар басшысы жобаларды таныстыру барысында Қасым-Жомарт Кемелұлына бой көтеретін көпқабатты тұрғын үйлер көлемін атап өтті.
"Үшінші мегаполистің жаңа шағын ауданы – «Шымкент сити» жобасы аясында 1,5 млн шаршы метр тұрғын үй салу, ал «Қошқар ата» өзені аумағында көпқабатты 32 тұрғын үй құрылысын жүргізу жоспарланған", – деді Ғабидолла Рахматоллаұлы.
Елді басқару қызметіне кіріскен жаңа Президентке Шымкент қаласының ең көне әрі тарихи-мәдени орталығы «Цитадель» аумағындағы соңғы жаңалықтар да баяндалды.
Дереккөз: Шымкент келбеті газеті
![](/assets/thumbnails/b1/b1ffaa7012121d78c3aaed67d05992e2.jpg ""Отбасылы еркектің уәдесіне сеніп жүріп, жастық шағым өтіп кетті"")
![](/assets/thumbnails/32/32f7127a597cb8cf0f33659091d8e767.jpg ""Кинодағы актерден қызғанып жүр" - келіншек күйеуінің түсініксіз қылығын айтты")
![](/assets/thumbnails/9e/9ef24a1ed3ef35d6eb3d88d8acc718f7.jpeg ""Күйеуіммен полицияға ұсталып, қамалып отырғанда танысқанмын"")
