Өзімнің азаматтық борышымды өтеуге келдім - Мұрат Әйтенов

Парламент Мәжілісі мен мәслихаттарының сайлауында Шымкент қаласының әкімі Мұрат Әйтенов те өз таңдауын жасап, дауыс берді, деп хабарлайды ERNUR.KZ.

Шаһар басшысы Түркістан сарайында орналасқан №231 сайлау учаскесіне келді.

"Бүгін еліміздің болашақ даму бағытын айқындайтын аса маңызды саяси науқан өтіп жатыр. Бұл сайлау еліміздің одан әрі дамуына тың серпін береді деп сенемін. Қазақстан Республикасының азаматы, Шымкент қаласының тұрғыны ретінде мен де дауыс беріп, өзімнің азаматтық борышымды өтеуге келіп тұрмын", — деді Мұрат Дүйсенбекұлы.

Қала әкімі сайлау жоғары деңгейде, заң талаптарына сәйкес, ашық әрі өтеді деп сенім білдірді.

Айта кетейік, Шымкент қаласында 512 сайлау учаскесінде дауыс беру процесі жалғасуда. Қаламызда белсенді дауыс беру құқығына ие 639 663 сайлаушы бар. Барлығы 1 қалалық, 5 аудандық және 512 учаскелік сайлау комиссиясы жұмыс істеп тұр. Оған қоса бұл жолғы сайлауда бір мандатты сайлау округтері де құрылғаны белгілі. Соның ішшінде Қазақстан Республикасы Парламенті Мәжілісіне 2 округтік, ал, Шымкент қалалық мәслихатына 16 округтік сайлау комиссиялары өз жұмысын атқарып жатыр.

Парламент Мәжілісі мен мәслихаттарының сайлауында Шымкент қаласының тұрғындары белсенді. Атап айтатын болсақ, Шымкент қаласы Қатынкөпір шағынауданының тұрғыны 100 жастағы кейуана Айымкул Орынбаева кезектен тыс ҚР Парламент Мәжілісі мен қала мәслихаттары сайлауында өз үйінде дауыс берді.

Ғасыр жасаған әжей қаладағы №52 мектеп ғимаратында орналасқан №283 сайлау уческесі арқылы өз таңдауын жасады.