ШЫМКЕНТ: 42500 теңге алу үшін 535 мыңнан астам адамнан өтініш түскен

0
858

Бүгінге дейін 280 633 азаматқа 42500 теңгеден әлеуметтік көмек карталарына аударылған.


ШЫМКЕНТ: 42500 теңге алу үшін 535 мыңнан астам адамнан өтініш түскен

Соңғы мәлімет бойынша Шымкент қаласынан төтенше жағдай кезеңінде әлеуметтік төлемді алу үшін арнайы портал, сайттардан 535 633 адамнан өтініш түскен, деп хабарлайды ERNUR.KZ.

Оның ішінде 283 177 адамға әлеуметтік төлем тағайындалған болса, 248 119 азаматтың өтініші бойынша оларға әлеуметтік төлем тағайындалмайтындығы анықталып, кері қайтарылған.

Жалпы әлеуметтік төлем алатын 283 177 азаматтың ішінде 270 398 өтініштер бойынша, ал, 12 779-іне проактивті (атаулы әлеуметтік алушылар және бірыңғай жиынтық төлем жасаған азаматтар) түрде тағайындалды. Бүгінге дейін 280 633 азаматқа 42500 теңгеден әлеуметтік көмек карталарына аударылған.

Айта кетейік, кері қайтарылып, көмек тағайындалмаған өтініштер – бірнеше рет қайталанған, жұмыс істейтін азаматтардан, зейнеткерлерден, қайтыс болған азаматтар атынан түскен.