Шымкент: Бюджет қаражатының тиімді жұмсалуына басымдық берілуде

0
163

Мамандардың айтуынша, экономикалық қауіпсіздіктің негізгі көрсеткіші – анықталған құқық бұзушылықтардың саны емес, оның алдын алу арқылы сақталған бюджет қаражаты.


Шымкент: Бюджет қаражатының тиімді жұмсалуына басымдық берілуде

ERNUR.KZ. Шымкент қаласының Өңірлік коммуникациялар қызметі ақпарат алаңында өткен брифингте экономикалық қауіпсіздікті қамтамасыз ету, бюджет қаражатының тиімсіз жұмсалуына жол бермеу және құқық бұзушылықтардың алдын алу бағытында атқарылып жатқан жұмыстар айтылды.

Бүгінде басты назар құқық бұзушылықты анықтауға ғана емес, оның алдын алуға және тәуекелдерді ерте кезеңде анықтауға бағытталған. Осы мақсатта мемлекеттік органдардың қызметіне талдау жүргізіліп, бюджет шығыстары зерделенеді, мемлекеттік сатып алуларға мониторинг жасалып, қаржылық тәуекелдер бағаланады. Сонымен қатар цифрлық технологиялар мен ақпараттық жүйелердің мүмкіндіктері кеңінен қолданылуда.
Жүргізілген алдын алу шараларының нәтижесінде 2025 жылы және 2026 жылдың бірінші жартыжылдығында жергілікті атқарушы органмен бірлесіп, 23,4 млрд теңге көлеміндегі бюджет қаражатының үнемделуі қамтамасыз етілген. Бұл қаражатты негізсіз жоспарланған шығыстарды қысқарту, мемлекеттік сатып алулардағы тәуекелдерді анықтау және қаржылық бақылаудың алдын алу шаралары арқылы сақтап қалуға мүмкіндік берген.
Сонымен қатар өткен жылы анықталған 84 қылмыстық іс бойынша мемлекетке келтірілген залал 15,9 млрд теңгені құраса, оның 7,5 млрд теңгесі мемлекетке қайтарылған.
Мамандардың айтуынша, экономикалық қауіпсіздіктің негізгі көрсеткіші – анықталған құқық бұзушылықтардың саны емес, оның алдын алу арқылы сақталған бюджет қаражаты. Осы бағыттағы жұмыстар алдағы уақытта да цифрлық талдау құралдарын жетілдіру, тәуекелдерді басқару жүйесін дамыту және бюджеттік жоспарлаудың сапасын арттыру арқылы жалғасады.