Биыл 22 272 орындық 32 білім ошағына құрылыс жүргізіледі.
Шымкент қаласында 2020-2025 жылдары аралығында кешенді жоспарға сәйкес жалпы 63 882 орындық 85 білім ордасының құрылысы жүргізіледі, деп хабарлайды ERNUR.KZ.
Бұл туралы қалалық білім басқармасының басшысы Жанат Тәжиева баяндады.
- Биыл 22 272 орындық 32 білім ошағына құрылыс жүргізіледі. Оның ішінде 21 жаңа құрылыс, 11 қосымша құрылыс нысаны бар. 12 мектептің құрылысы мемлекеттік бюджеттен, 19 мектеп инвесторлар мен кәсіпкерлер есебінен қаржыландырылады, - деді басқарма басшысы.
Өткен жылы 10 нысанның құрылысы жүргізілді. Атап айтанда 4 жаңа, 4 қосымша, 2 өнер мектебі ашылды. Одан бөлек, 15 мектепке күрделі жөндеу жүргізіліп, 17 спорт алаңы жаңартылды.
