Мұқтаж отбасы мүшелері тек бір реттік көмекпен қамтылып қоймай, мемлекеттік бағдарламалар аясында жұмысқа тартылып отыр.
Шымкентте 40 шақты тұрмысы төмен отбасыға азық-түлік пен киім-кешектер тегін таратылды, деп хабарлайды ERNUR.KZ.
Алғыс айту күніне орай ұйымдастырылған бұл шараны "Nur Otan" партиясы қалалық филиалы мен Дүниежүзілік мұсылмандар қайырымдылық қоры және Шымкент қаласы жұмыспен қамту және әлеуметтік қорғау басқармасының өкілдері мен демеушілер қолға алды.
Ұйымдастырушылар көмек алуға келген тұрғындарды алда келе жатқан Алғыс айту күнімен құттықтап, мерекеге арнайы жасалған азық-түліктер жиынтығынан тарту таралғылар жасады.
Ұйымдастырушылар кей отбасыларына күнделікті қажетті тауарларды үйлеріне жеткізіп алу үшін жолақыларын қарастырып берді. Ал басқарма өкілдері оларды қиын жағдайға түскен отбасыларын қолдауға бағытталған мемлекеттік бағдарламалармен таныстырды. Мұқтаж отбасы мүшелері тек бір реттік көмекпен қамтылып қоймай, мемлекеттік бағдарламалар аясында жұмысқа тартылып отыр. Мұндай бір реттік көмектер мұқтаж отбасыларына теңдей жүйелі түрде үлестіріледі. Себебі, аталмыш жәрдемнен тұрмысы төмен отбасыларының ешқайсысы да тыс қалмауы тиіс деп отыр ұйымдастырушылар.
Ұлыстың ұлы күні Наурыз мерекесі қарсаңында да бірнеше отбасын азық-түлікпен қамтуды жоспарлап отыр. Бұл бағыттағы жұмыстар жыл соңына дейін жалғасын табады,-дейді ұйымдастырушылар.
