Мегаполисте вирус жұқтырғандар саны күн санап артуда.
Шымкентте қоғамдық тамақтану және діни орындар ашылмайды, деп хабарлайды ERNUR.KZ тілшісі.
Бұл туралы Шымкент қаласы әкімінің бірінші орынбасары Ербол Садыр баспасөз брифингінде мәлімдеді.
"Өздеріңізге белгілі, 11 мамырдан бастап қоғамдық көліктер жұмысқа кіріскен. Қалада халыққа қызмет көрсететін барлық қоғамдық көліктердегі азаматтар толықтай сринигтен өткізу жоспарланып отыр. Біз осылай қаладағы жағдайға байланысты, халыққа бірінші қызмет көрсететін орындарды кезең-кезеңімен жаппай скрнингтен өткізетін боламыз." ,- деді Е.Садыр.
Арнайы бекітілген жоспарға сәйкес 11, 18, 25 мамырда әр аймақтағы эпидемиологиялық жағдайға байланысты жеңілдету шараларын қарастырған болатын. Ербол Садырдың мәліметінше, қоғамдық тамақтану орындары мен діни орындарды ашу жөніндегі жоспарларды қарастырған.
Алайда, Шымкентте бұл нысандардың есігі халық үшін ашылатындығына рұқсат берілген жоқ. Өйткені, вирус жұқтырғандары саны күн сайын өсіп отыр.
"Сондықтан, Шымкентте 11 мамырда бекітілген шектеулер төңірегінде ғана жұмыс жасайтын боламыз", - деді Шымкент қаласы әкімінің бірінші орынбасары.
