Шымкентте тілдер мерекесіне орай жастардың қатысуымен дөңгелек үстел өтті

Шымкент қаласында «Тілім менің мәңгілік - кең тұғырым» атты дөңгелек үстел өтті, деп хабарлайды ERNUR.KZ.

Қазақстан халқы тілдері мерекесіне орай Шымкент қаласы «Жастар ресурстар орталығы» КММ-нің ұйымдастыруымен өткен іс-шараға М.Әуезов атындағы Оңтүстік Қазақстан университетінің «Парасат» орталығының белсенді жастары қатысты.

Дөңгелек үстелдің мақсаты - тілдер мерекесін орай жастарды мәдениеттілік пен парасаттылыққа және адалдыққа баулу. Сондай-ақ Қазақстан халқының өзге ұлт өкілдерінің тіл құндылығы жайында ой-пікір алмасу.