Су тасқынынан зардап шеккен аймаққа Шымкенттен 10 су сорғыш техника жөнелтілді

0
1 055

Шымкенттен Мақтааралға қосымша 10 су сорғыш техникасы жіберілді.


Су тасқынынан зардап шеккен аймаққа Шымкенттен 10 су сорғыш техника жөнелтілді

Шымкенттен Мақтааралға 10 су сорғыш техникасы жіберілді, деп хабарлайды ERNUR.KZ.

Су тасқынынан зардап шеккендер мақтааралдықтарға шымкенттіктер де көмек көрсетуде.

Соңғы ақпарат бойынша, Шымкенттен Мақтааралға қосымша 10 су сорғыш техникасы жіберілді.

5 мамыр күні таңғы сағат 06:00-де Шымкент қаласының Төтенше жағдайлар департаментінің тарапынан Түркістан облысы Мақтаарал ауданына авариялық-құтқару жұмыстарын жүргізуге қосымша арнайы және қосалқы техникалар мен жеке құрам жіберілген болатын.

Көмекке жіберілген техникалардың ішінде АСО 20, АЦ – 2, УАЗ маркалы 4 техника, МП-100 маркалы 6 мотопомпа бар.

Мақтаарал ауданындағы су басу жағдайына байланысты 2020 жылғы 2-5 мамыр аралығында Шымкент қаласынан су басқан елдімекендердегі авариялық-құтқару жұмыстарын жүргізуге 40 адам жеке құрам, 8 техника, 1 квадрокоптер және 4 дана жүзу құралдары (1 моторлы және 3 үрлемелі қайық) 2-ші эшелон есебімен жолданды.

Осы аралықта құтқарушылар аудандағы су басқан елдімекендерде 70 адамды, олардың мүліктерін қауіпсіз жерге эвакуациялау жұмыстарын жүргізіп, ірі және ұсақ малдарды құтқарды.

Естеріңізге сала кетейік, жергілікті атқарушы органдары тарапынан 4 мамыр күні Мақтаарал ауданына инженерлік жұмыстарды жүргізу үшін 30 арнайы техника жіберілген болатын.