Орталық Азия тарихында алғаш рет УЕФА президенті Қазақстанға ресми сапармен келуі мүмкін.
фото:Sputnik / Виталий Тимкив
ERNUR.KZ. Қазақстан футбол федерациясының (ҚФФ) президенті Марат Омаров УЕФА-ның Ньон қаласындағы (Швейцария) штаб-пәтерінде ресми сапармен болып, УЕФА президенті Александр Чеферинмен жұмыс кездесуін өткізді, деп жазады sputnik.kz.
Әңгіме барысында Марат Омаров УЕФА басшысына Қазақстанға ресми сапармен келуді ұсынды. Александр Чеферин шақыруды қабыл алып, 2025 жылы УЕФА президенті ретінде Орталық Азияға алғашқы сапарын жасауды жоспарлап отыр.
Еуропаның ірі турнирін Қазақстанда өткізу мүмкіндігін талқылау кездесудегі өзекті мәселелердің бірі болды. Ықтимал нұсқалар арасында Қазақстанның жастар арасындағы Еуропа чемпионатын өткізу және УЕФА Конференция лигасының финалын Алматы немесе Астанада өткізу мүмкіндіктері талұыланды.
Марат Омаров Швейцарияға сапары барысында УЕФА төрешілер комитетінің басшысы Роберто Розеттимен де кездесті. Тараптар Қазақстанға кеңесшілер тобын жіберу, сондай-ақ ҚФФ төрелік департаментінің директоры лауазымына үміткерді іріктеу және ұсыну жөнінде келісті.
Сонымен қатар, "Hat-Trick" бағдарламасы аясында УЕФА-ның Қазақстан футбол федерациясының жаңа инфрақұрылымдық бастамаларына қолдау көрсету туралы толық келісімге қол жеткізілді.
![](/assets/thumbnails/66/66c035b310edb825fbbc5ba9e8cbc965.jpg ""Өзен емес, канализацияға түсіп жатыр": Фариза Ескермес үнділердің Кумбха Мела фестиваліне қатысты")
