Өзінің спорт залына алғаш төрт жасында барғанын айта келіп, гимнастиканың өмірінің ажырамас бөлігіне айналғанын жеткізді.
Фото: kazgymfederation
ERNUR.KZ. Азияның ең мықты гимнасттарының бірі Елжана Таниева спорттық мансабын аяқтады, деп жазады inform.kz.
Е.Таниева бұл туралы Instagram әлеуметтік желісіндегі парақшасында мәлім етті.
Өзінің спорт залына алғаш төрт жасында барғанын айта келіп, гимнастиканың өмірінің ажырамас бөлігіне айналғанын жеткізді. Қуанышты сәттермен қатар кедергілердің де болғанын айтқан спортшы өз бапкерлеріне алғысын білдірді. Әсіресе, Әлия Юсупованың екінші анасына айналғанын атап өтті.
Қазақстан гимнастика федерациясынан алынған мәліметке қарағанда, Елжананың қоржынында Азия чемпионатының үш алтын медалі, Азия ойындарының екі күмісі, Марбельядағы Гран-при жарысының алтын жүлдесі және әлем кубогының медальдары бар. Сондай-ақ ол Париждегі Олимпиада ойындарына қатысты.
Еске сала кетейік, бұдан бұрын Эльжана Таниеваның Олимпиадада көркем гимнастикадан ел намысын қорғайтынын жазған болатынбыз.
![](/assets/thumbnails/e6/e65b6cf6866769254d8ebb1708d04a5c.png ""Түнде жүргенім үшін бір күнге қамалдым": қарағандылық әйел студенттерге ақыл айтты")
![](/assets/thumbnails/6e/6e0d2b5be286ffab537a6387cfea1475.jpg ""Әке-шеше демей эгоист болу керек екен": сүрбойдақ жүрген жігіт алдымен өз жағдайын жасамағанына өкінеді")
