Бір-ақ күнде қуантып ата-ананы бір үйдің ҚОС ҚЫЗЫ бір күнде ұзатылды...
Бір күнде екі келін түсіргенді естіген боларсыз, қос ұлдың үйлену тойын бірге қосып жасағанды да көрген шығарсыз. Ал, қос қызын бірге ұзатқанды ше, көргенсіз бе?
Кеше Қызылордада Шапағат және Қанағат есімді егіз қыздардың ұзату тойы бір күнде өтті. Иә, бір тойханада, бір уақытта. Оның бірі Шымкентке, екіншісі Алматыға ұзатылды.
Шапағатты Шымкент қаласынан келген ұлы жүздің баласы Асхан, ал егіздің сыңары Қанағатты Алматы қаласынан келген Әлихан есімді жігіт қолына қондырды.
Егіз қыздардың ұзату тойдағы видеосын Қызылорда қаласындағы «Сырғалым» той орталығының директоры Ақбаян Бектұрғанова (@bayan_bekturganova__) инстаграмдағы парақшасында жариялады.
Оқырмандар бір үйдің екі қызына бақыт тілеп, ақ ниетке толы пікірлерін қалдырды. Сонымен қатар, бұл той қыз өсіріп отырған ата-аналарға жақсы ой да тастаған сияқты.
Құрметті оқырман, сіз неше қыз өсіріп отырсыз? Екі қызыңыздың ұзату тойын бірге жасар ма едіңіз? Бұл "вариантқа" қалай қарайсыз?
Фото мен видео: @bayan_bekturganova__
Тағы да оқыңыз:
Тойды "елдің алды" болып өткізуді қалайтындарға КӨҢІЛДІ БЕС ФИЛЬМ (ВИДЕО)
Тойда ойын ойнаған әйел құлап қалды
Жас келінді кілемшемен көтеріп шығарғандар жұрттан сын естіді