ТҮРКІСТАН: Арыс қаласының тұрғындары өз үйлеріне оралды (фото)

28.06.2019 10:28

1 996

Қалада тіршілік қайнай бастады.

Бүгін Арыстағы жарылыстан зардап шеккен азаматтар өз үйлеріне оралды, деп хабарлайды ERNUR.KZ тілшісі.

Шымкенттегі эвакуациялық пункттерден шыққан арыстықтар мінген автобустардың алғашқы легі сағат сағат 8:00-де Арыс қаласына кірді. Уақытша қабылдау пунктіне келген алғашқы 1000-ға жуық азаматтарды өз аудандарына бөліп, өз үйлеріне жеткізілді.

Бүгінде қала аумағын қалпына келтіру мақсатында 17 секторға бөлінді.

Осы секторларды жеке-жеке аралған Түркістан облысының әкімі Өмірзақ Шөкеев қала тұрғындарының үйлеріне орналасу жағдайымен танысты.

Жауапты азаматтар тұрғындарды жайғастыру жұмыстарын бастап кетті.

Келген азаматтар қазақ халқына өз ризашылығын білдіріп, алғыстарын айтуда.

Сондай-ақ қазіргі таңда үйлер тексеріліп залалсыздандыру жұмыстары жүргізілуде.

Арыстықтарды азық-түлікпен қамтамасыз ету мақсатында әр үйге азық-түлік бөлініп қарастырылып жатыр. Бірінші кезекте ең қажетті заттар таратылатын болады.