ТҮРКІСТАН: ​Келес ауданында жол белгілері қойылып жатыр

0
963

аудан аумағында 150 дана жол белгілері, 32 дана жасанды жол кедергілерін орнату, 200,0 шаршы метр мектеп аумағына жаяу жүргіншілер жолағын сызу жұмыстары жүргізілуде.


ТҮРКІСТАН: ​Келес ауданында жол белгілері қойылып жатыр

Келес ауданының әкімі Ақментай Есбаев апта сайын ауылдық окугтерге барып жергілікті тұрғындармен кездесуде, деп хабарлайды ERNUR.KZ.

Сол кездесулерде тұрғындар аудан басшысынан көше бойларына жол белгілерін, жасанды жол кедергілерін орнатуды сұраған болатын. Аудан басшысы өз сөзінде жол белгілері мен жасанды кедергілер заң талаптарына сай қажетті жерлерге орнатылатынын жеткізген болатын.

Бүгінде халық сұранысы қанағаттандырылып, аудан аумағында 150 дана жол белгілері, 32 дана жасанды жол кедергілерін орнату, 200,0 шаршы метр мектеп аумағына жаяу жүргіншілер жолағын сызу жұмыстары жүргізілуде.
Бұл бойынша мемлекеттік сатып алу жұмыстары жүргізіліп нәтижесінде «Сарыағаш Сәулет» ЖШС мен ауданның тұрғын үй-коммуналдық шаруашылық, жолаушылар көлігі және автомобиль жолдары бөлімі арасында келісіп шарт түзілген. «Сарыағаш Сәулет» ЖШС 4000,0 шаршы метр аумаққа ойық-шұңқырларды жамау жұмыстарында атқарып шықты.