ТҮРКІСТАН: Келестік әр отбасы 10 түп көшеттен отырғызды

Келес ауданының тұрғындары көгалдандыру жұмыстарына атсалысуда, - деп хабарлайды ERNUR.KZ.

Келестіктер аудан орталығы Абай ауылында «Гүлдене бер, туған ел!» атты акциясын бастады. Мұнда бір күнде бір мыңға жуық көшеттер егілді. Оған қоса, ауыл әкімдігі санитарлық тазалықты сақтауда тұрақты түрде сенбіліктер өткізуде.

Әкімдіктің жоспарын ауыл билері де қолдады. Ақсақалдар әр отбасы 1-сәуірге дейін 10 түп көшет отырғызуды жеткізуде. Қариялар тазалыққа немқұрайлы қарайтын аулалардың суретін көпшілікке көрсетіп, мәселені шешу жолдарын қарастыруға уағдыласылды.

Көгалдандыру жұмыстарына жұмылдырылған тұрғындар үй іргелерін тазалап, ағаштар отырғызу жұмыстарын жүргізуде. Шара барысында жергілікті халық ауыл іргесіндегі мазараттың айналасына шырша ағашын отырғызды.