ТҮРКІСТАН: Сауранда «Ауыл аманатына» қатысуға ниетті тұрғындар саны артты

Сауран ауданында «Ауыл аманатына» қатысуға ниетті тұрғындар саны артты, деп хабарлайды ERNUR.KZ.

Сауран ауданы Ескі Иқан ауылының тұрғындары "Ауыл аманаты" жобасы арқылы жеңілдетілген несие алып, кәсіп ашуға ниетті. Бұл туралы ауыл тұрғындары Сауран ауданы әкімі Ғалымжан Үсенбаевтың Ескі Иқан ауылдық округінің тұрғындарымен кездесуінде мәлімдеді. Пилоттық жобаға ауданға қарасты 4 ауылдық округ енгізілген. Осыған дейін халық тарапынан көтерілген мәселелер шешімін тапқан болатын. Дей тұрғанмен уақыт пен бюджетке байланысты орындалмай қалған түйткілдер қатары да аз емес. Жиын барысында аудан әкімі алдағы уақытта атқарылатын жұмыстар жайлы талқылап, жоспарлар легімен бөлісті.

Аталған 4 ауылдық округтен 7 ауыл шаруашылығы өндірістік кооперативтері құрылып, жалпы құны 349,8 млн теңгені құрайтын 67 жоба мақұлданып, оның ішінде 111 млн.теңгені құрайтын 21 жоба қаржыландырылды. 2 кооператив пилоттық жобаға қатысуда. Иқан Агро-2" АШӨК отбасылық сүт фермасын ашуға ниетті. Ал, SAMRUQ 2023" АШӨК отбасылық мал бордақылау алаңдарын көбейтуді жоспарлап отыр. Бұдан бөлек, несие алуға 7 жобаның құжаттары өткізіліп, «Ырыс» несие қаржы ұйымынан 41 млн теңгені құрайтын несие алуға мақұлданды.

Аудан әкімі жиын барысында шаруалардың берекесін арттыруға бағытталған бағдарламаға белсенді қатысуға шақырды.